Zyrtarisht 97 viktima, ndryshon bilanci i tragjedisë së Hillsborough

29 Korrik 2021 | 18:20

Autoritetet britanike i shtuan sot një tjetër viktimë bilancit zyrtar të personave që humbën jetën si rrjedhojë e tragjedisë së Hillsborough, ngjarje e ndodhur në vitin 1989. Tashmë totali viktimave është 97 dhe jo më 96.

Kjo ndodhi pasi një person që i mbijetoi me lëndime serioze ngjarjes vdiq sot 32 vite më pas.

Andrew Devine, 55 vjeç, u nda nga jeta në një spital në Liverpool pasi qe shtruar për ndërlikime në frymëmarrje.

Raporti mjekoligjor tha se ai vdiq nga probleme serioze me rrugët e frymëmarrjes të ardhura si rrjedhojë e lëndimeve që pati pësuar 32 vite më parë në Hillsborough.

Më 15 prill 1989, përpara ndeshjes gjysmë-finale mes Nottinghamit dhe Liverpoolit në Hillsborough, grumbullimi tej kapaciteteve të mundshme të stadiumit çoi në shtypjen mes njëri-tjetrit të 94 tifozëve.

Një tjetër vdiq në spital ditë më pas dhe viktima e 96-të iu shtua bilancit katër vite më vonë.

Klubi i Liverpoolit nderoi me 97 sekonda heshtje gjatë stërvitjes së pasdites kujtimin e Adnrew Devine dhe 96 të tjerëve që humbën jetën nga ngjarja famëkeqe.

Për tragjedinë e Hillsborough autoritetet kryen disa herë hetime. Në fillim ngjarja u cilësua si aksidentale, por një padi civile e nisur nga familjet e viktimave e hodhi poshtë vendimin.

Hetimet e kryera në vitin 2016 nxorën si përfundim se tragjedia u shkaktua nga dështimi i organizimit të ndeshjes nga klubi i Sheffield Wedsenday që zotëronte stadiumin, forcat e policisë, dhe shërbimi i ambulancave.

Shumë ish-policë dhe zyrtarë janë akuzuar ndër vite për këtë çështje, por askush nuk është dënuar.

Home Kryefaqja
Shiko në: YouTube
Lajme të Sugjeruara

Humbje diplomatike për Gjermaninë në OKB, Berlini ngre dyshime për ndikimin rus

Ministri i Jashtëm i Gjermanisë, Johann Wadephul, ka deklaruar se mbështetja e fortë e Berlinit për Ukrainën dhe Izraelin mund t’i ketë kushtuar vendit vota...
07:40 | 04/06/2026

Macron: Fitorja e Magyar shënon fillimin e një epoke të re në Hungari

Presidenti francez, Emmanuel Macron vlerësoi sot fillimin e një “epoke të re” për Hungarinë dhe Evropën, gjatë pritjes në Pallatin Elysee, të kryeministrit të ri...
22:21 | 03/06/2026

Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit

Pas tre orësh, Asambleja e Përgjithshme e Kombeve të Bashkuara përfundoi votimin për të zgjedhur pesë anëtarët e rinj jo të përhershëm të Këshillit të Sigurimit për mandatin 2027-2028....
20:43 | 03/06/2026