Zyrtarizohet trajneri i ri i përfaqësueses së Kosovës

Franko Foda është zyrtarisht trajneri i ri i Kosovës në futboll. 57-vjeçari i lindur në Gjermani, ka më tepër se 2 dekada si trajner, ndërsa prej 2022-shit ka drejtuar Zyrihun në Zvicër.

Foda është prezantuar nga presidenti i Federatës së Futbollit të Kosovës, Agim Ademi, i cili i ka uruar mirëseardhje dhe suksese në krye të ekipit.

“Urime për trajnerin e ri. Uroj që siç është përputhur programi i tij me projektin tonë, të ketë edhe rezultate. Foda është trajneri i rezultateve. Ne këtë pjesë, duam rezultate sepse e kemi bërë zhvillimin tonë. Shpresojmë që Foda të jetë trajneri që do të ngelë në historinë e Kosovës, për ta kualifikuar në garat evropiane. Foda ka qenë në Kosovë para dy javësh. I ka parë kushtet dhe ka vendosur. Ka kontratë dyvjeçare. Në këto dy vjet, në këto garat e radhës, do të realizojmë programin e tij dhe kërkesat tona. Në futbollin tonë s’ka asgjë të sigurt, por ne po përpiqemi ta bëjmë punën sa më të mirë. Foda i ka duart e lira për të vendour, po vjen me ekipin e tij, nuk do të ketë asnjë ndërhyrje, por do ta ketë mbështetjen e Federatës”, ka thënë Ademi.

Tre sfidet e para të tenkinkut gjermat kanë miqësoret e planifikuara për në muajin mars dhe qershor.

Ndeshjen e parë Kosova do ta luajë më 22 mars në Yerevan ku përballë do ta kenë Armeninë, ndërsa më 26 mars do të ndeshen kundër Hungarisë në Budapest.

Sakaq ndeshja e tretë miqësore është planifikuar në Oslo kundër Norvegjisë më 5 qershor.

LEXONI GJITHASHTU:

• Sukses në notin shqiptar, 18-vjeçari fiton garën e 50 metrave në Botërorin e Doha
• Shqipëria merr 3 medalje të argjënda në kampioniatin e peshëngritjes
• Rezultatet e Champions: Manchester City bën detyrën, Reali fitore mes polemikash