English

Rezultatet e Champions: Manchester City bën detyrën, Reali fitore mes polemikash

KOMENTE

SHPERNDAJE
ARTIKULLIN

Text sizeAa Aa

E marta në Ligën e Kampionëve nuk ka prodhuar surpriza, por natyrisht nuk munguan as polemikat, konkretisht në përballjen Leipzig-Real Madrid. Galaktikët triumfuan me rezultat minimal, teksa në sfidën tjetër Manchester City fitoi pa shumë vështirësi ndaj Kopenhagenit në transfertë.

- Advertisement -

Në Gjermani vendasit zhvilluan një përballje pozitive, duke krijuar më tepër shance se kundërshtari, e duke e vendosur këtë të fundit disa herë në vështirësi. Një gol i shënuar nga Sesko kaloi në avantazh Leipzig në minutën e 2-të, por u anulua nga gjyqtari për pozicion të parregullt, ndërsa ky episod shkaktoi shumë polemika. Kjo për faktin se në momentin kur sulmuesi preku topin, pozicioni i tij ishte korrekt, pasi mbahej në lojë nga një prej madrilenëve, por pavarësisht këtij fakti, gjyqtari e anuloi.

Në vijim vendasit do të shpërdoronin disa raste, teksa në minutën e 48’ ishte Brahim Diaz që kaloi në avantazh Realin falë një supergoli të realizuar me një gjuajtje nga distanca. Minutat e ardhshme prodhuan shanse të mira, por pa mundur të ndryshojnë më shifrat, me Realin që do të luajë më i sigurt në Bernabeu në ndeshjen e kthimit.

Në Kopenhagen, skuadra vendase e pati të pamundur t’i bëjë ballë furisë së “the cityzens” duke u mposhtur në shifrat 1-3. De Bruyne zhbllokoi rezultatin, teksa Mattson solli barazpeshën e përkohshme, por anglezët do ta mbyllnin në avantazh pjesën e parë falë realizimit të Silvës. Në limite ishte Foden që vulosi fitoren 1-3, me Cityn që hedh një hap të sigurt drejt çerekfinaleve.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×