1.5 mijë forca në terren për samitin, perimetri i sigurisë ‘zonë e ndaluar’

Policia e Shtetit po përgatit teknikalitetet e fundit për planin e masave mbi samitin e bashkimit europian që do të mbahet në Tiranë më 6 dhjetor.

Rreth 1500 efektivë pritet të jenë në terren ndërsa akse të shumta rrugore të të bllokohen për kalimin e delegacioneve.

Niveli i masave të sigurisë parashikon ato që janë ndërmarrë kur Tiranën e ka vizituar ish-sekretari amerikan i shtetit John Kerry apo Papa Françesku.

Në hartimin e masave të sigurisë janë përfshirë edhe stafet e delegacioneve që do të vizitojnë Tiranën ndërsa partia demokratike ka paralajmëruar protestë përballë kryeministrisë, zonë e cila cilësohet brenda perimetrit të sigurisë.

Burime nga policia e cila ka refuzuar kërkesën e PD, bëjnë me dije se po shikohen disa mundësi, të bllokohen akset që të çojnë drejt bulevardit dëshmorët e kombit , të shmanget rrugëkalimi i delegacioneve në këtë aks ose të këtë intenerare të tjera qarkullimi që nuk pengojnë përmbushjen e axhendës.

LEXONI GJITHASHTU:

• Analisti Çupi: Protesta e 6 dhjetorit, rrezik kombëtar
• Ngjela për protestën e 6 dhjetorit: Lëvizje anti-evropiane e Berishës
• Boçi: I druhemi provokimeve që mund ketë në protestën e 6 dhjetorit