“1 mln tonë grurë drejt Turqisë”- “Marrëveshja e vogël” që Erdogan arriti me Putin

Avdylvehap Ejupi, kryeredaktor në televizionin TRT në Turqi, në një lidhje direkte nga Stambolli për studion e Euronews Albania, zbuloi më shumë detaje në lidhje me takimin mes presidentit turk dhe Vladimir Putin në Soçi.

Ejupi tha se një sukses i vogël mund të thuhet se është arritur në lidhje me eksportin e grurit nga Ukraina.

Ai tha nënvizoi se rreth 1 milion ton drithëra do të transportohen në tregun global përmes Turqisë.

Sipas gazetarit, gruri do të përpunohet në miell në Turqi dhe më pas do të transportohet drejt gjashtë vendeve të Afrikës së Jugut.

“Një progres është arritja e një marrëveshje për transportimin e gati 1 milion ton drithëra të Rusisë në tregun global nëpërmjet Turqisë, pra marrëveshja është që ata 1 milion ton drithëra do të transportohen në Turqi ku do të rikthehet të ripërpunohet në miell dhe ky mielli të transportohet drejt gjashtë vendeve të Afrikës”- tha Ejupi.

Kujtojmë se Presidenti Putin deklaroi gjatë takimit të djeshëm me Erdogan se Rusia do të kthehet në marrëveshjen e drithërave vetëm nëse Perëndimi plotëson kërkesat e Moskës për sanksionet.