“1 në 7 persona në Kosovë me armë pa leje”, gazetari: Ka numër të ulët të dënimeve

Gazetari Muharrem Kafexhiu ishte mëngjesin e kësaj të enjteje i ftuar në “Good Morning Albanians” në Euronews për të folur rreth armëve pa leje në Kosovë.

Sipas një raporti të publikuar ditë më parë nga Ministria e Punëve të Brendshme në Kosovë mbi 230 mijë armë pa leje janë në duar të qytetarëve të Kosovës.

Sipas gazetarit kjo vjen si pasojë edhe e numrit të ulët të të dënuarve për këtë çështje dhe mungesa e bërjes së një amnistie për armët.

“Nëse bazohemi në atë që supozohet të jetë numri i armëve ilegale, janë diku te 230 mijë. Kjo vjen si pasojë e numrit të ulët të dënimit, por edhe kodi penal nuk e mundëson eliminimin e armëve ilegale. Gjithashtu shikohet si problem që autoritetet nuk u mundësojnë përdoruesve të armëve ilegale që t’i eliminojnë ato. Pra të ketë një amnisti për përdoruesit e armëve ilegale. Problem tjetër është kontrolli i armëve ilegale në veri të vendit, ku nuk ka vetëm armë të vogla dhe ku kontrolli është më i vështirë”,-tha gazetari.

LEXONI GJITHASHTU:

• Rusia kërkon avancim në front, Shoigu: Të rriten dërgesat e armëve për ushtarët
• EMRI| Atentat me armë zjarri shqiptarit në Belgjikë, dyshimet e para