1 qershori, dhjetëra aktivitete nga bashkitë në juglindje për festën e fëmijëve 

Me dhjetëra aktivitete për fëmijët janë mbajtur në juglindje të vendit në këtë 1 Qershor.

Ka qenë bashkia e Korçës e cila në një event masiv, ka argëtuar me mijëra fëmijë të qytetit por edhe fshatrave përreth, me masokatat e preferuara të fëmijëve, pikturat në fytyrë, shfaqjet e kërcimit, ngjyrosjeve dhe kështjellave me ajër.

Sheshi “Rilindja” në Kolonjë ka qenë i tejmbushur nga buzëqeshjet e fëmijëve, teksa vet vogëlushët kanë shijuar organizmin e Bashkisë së Kolonjës, e cila këtë vit ka pasur në fokus jo vetëm argëtimin por edhe promovimin e talenteve të reja në Ersekë.

Bashkia e Pogradecit ka zgjedhur Odeonin që fëmijët e kësaj zone të argëtohen me lojëra të zgjedhura nga institucionet e kulturës, teksa me qindra fëmijë kanë kërcyer së bashku dhe kanë festuar festën e tyre.

Për shkak të kushteve të përmirësuara meteorologjike aktivitete do të ketë edhe pasdite, në afërsi të parkut Rinia dhe Qytezës se Fëmijëve në Korçë.

LEXONI GJITHASHTU: 

• Vuçiç takohet me Macron në Moldavi, çfarë diskutuan
• Konflikti në veri të Kosovës, Blinken bën thirrjen e fortë nga samiti i NATO-s