10 vjet pritje për pensionet, fitojnë shqiptarët në Itali, Greqia s’jep sinjale

Emigrantët shqiptarë të punësuar në Itali, do të marrin pension të plotë, i cili bashkon vitet e punës atje dhe në Shqipëri.

Ata do të përfitojnë për çdo kombinim të viteve të punës në dy vendet. E njëjta gjë do të vleje edhe për shtetasit italianë që punojnë në Shqipëri.

Problemi do të zgjidhet në vitin 2023, pasi marrëveshja e përmbledhur në një dokument eshte aprovuar nga qeveritë.

Në Itali punojnë rreth 300 mijë shqiptarë, dhe çdo vit arrijnë moshën e pensionit 25 mijë.

Procesi për njohjen e kontributeve ka nisur në vitin 2014 dhe tashmë është drejt përmbylljes.

Çështja mbeti peng i negociatave për shumë vite për shkak të numrit të madh të emigrantëve shqiptarë.

Deri tani qeveria jonë ka negociuar me 14 shtete në fushën e sigurimeve shoqërore, por procesi prej vitesh ka ngecur edhe me Greqinë, e cila ka komunitetin më të madh të shqiptarëve.

Në shtator, vendi ynë do dorëzojë draftin e pensioneve në shtetin helen, por gjasat për të arritur një marrëveshje të shpejtë janë të pakta.

LEXONI GJITHASHTU:

• Njihen pensionet me Italinë, përfitimet nga viti 2023
• Malaj: S’ka marrëveshje me Greqinë për pensionet pa hyrë Shqipëria në BE