100-vjetori i Metodës Montessori: Fëmijët duhet të jenë të lirë për të zbuluar dhuntitë e tyre
Fëmijët duhet të jenë të lirë për të njohur dhe zhvilluar fuqinë e tyre krijuese. Kjo është forma e duhur e edukimit me metodën e profesore Maria Montessori, e cila hapi shtëpinë e parë të fëmijës më 1907 dhe zhvilloi praktikat e saj, sot të përhapura kudo në botë dhe të njohura si Metoda Montessori.
Ambasadori italian në Shqipëri, Fabrizio Bucci u shpreh se promovimi i këtyre metodave është i rëndësishëm pasi rrit edhe bashkëpunimin mes vendeve.
“Po vijon një bashkëpunimin intensiv mes Ministrisë së Arsimit dhe ambasadës përmes kësaj nisme, që është e rëndësishme për të përkujtuar 100-vjetorin e Metodës Montessori, sepse formimi i qytetarëve të së ardhmes është i rëndësishëm dhe i të gjitha nismave që e realizojnë në këtë drejtim”, tha Fabrizio Bucci, ambasadori i Italisë.
Sot në 100-vjetorin e kësaj Metode u kujtua dhe një herë rëndësia themelore e një arsimimi të shëndetshëm dhe krijimi i platformave të duhura për edukimin e të rinjve.
“Ne duhet të pranojmë se akoma ka pabarazi që lidhen ose me të ardhurat e familjes. Në këtë aspekt metoda është një vlerë e shtuar në sistemin tonë arsimor që bazohet në vetëmenaxhim, në rritjen e kompetencave të nxënësve”, u shpreh ministrja e Arsimit, Evis Kushi.
Kjo metodë, tha ministrja Evis Kushi, duhet të përhapet edhe më shumë në institucionet e arsimit në vend e për këtë po bashkëpunohet ngushte mes Ministrisë së Arsimit dhe Ambasadës Italiane.
LEXONI GJITHASHTU:
Mbrojtja e trashëgimisë kulturore, Shqipëria e ftuar në Itali për restaurimin e objekteve historike
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Vritet një polic gjatë një operacioni në Maliq, plagoset një tjetër
Mot i keq në Shkodër, autoritetet apel qytetarëve: Shmangni zonat me risk
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve