11 foshnje në orët e para të vitit, Manastirliu: Mirënjohje për stafet mjekësore

Gjatë orëve të para të vitit 2023, në maternitetet e Tiranës kanë lindur 11 fëmijë.

Ministrja e Shëndetësisë dhe Mbrojtjes Sociale, Ogerta Manastirliu ka vizituar ditën e parë të vitit të porsalindurit në dy maternitetet e Tiranës duke iu dorëzuar bonusin e bebes.

“Jam sot këtu për të dhënë me kënaqësi bonusin e bebes për fëmijët e parë të vitit 2023, ashtu siç kemi bërë gjatë 2022 nëpërmjet programit të qeverisë sonë nga i cili kanë përfituar rreth 42 mijë të porsalindur. Dhe që prej fillimit të këtij programi në vitin 2019 janë rreth 159 mijë të porsalindur qëkanë përfituar nga bonusi i bebes. Ne do të vazhdojmë me programet tona për mbështetjen e fëmijëve”, theksoi Manastirliu.

Ajo u shpreh se investimet për transformimin e sistemit shëndetësor do të vijojnë gjatë 2023.

Jemi duke përfunduar fazën e parë të investimit në Maternitetin “Mbretëresha Geraldinë” dhe do të vijojmë menjëherë në fazën e dytë me godinën qendrore, sikurse do të vijojmë investimet në të gjithë vendin”, theksoi ajo.

Ministrja falënderoi stafet mjekësore që ishin në detyrë në natën e ndërrimit të viteve dhe në këtë ditë të parë të Vitit të Ri.

LEXONI GJITHASHTU

• Tiranë | Vjen në jetë fëmija i parë për vitin 2023, është vajzë
• Tonin Vocaj: 12 persona të dëmtuar lehtë nga fishekzjarret
• Viti 2023 ‘troket’ në Shqipëri, spektakël fishekzjarresh në sheshin “Skënderbej”