12 milionë euro naftë për fermerët, paratë në llogari sipas kulturës bujqësore

Fermerët do të marrin këtë vit 12 mln euro për skemën e naftës pa akcizë. Paratë do të hidhen në llogaritë e tyre dhe sipas kulturës bujqësore, ata do të marrin deri në 19 000 lekë për hektar.

Fermerët e sektorit të bujqësisë do të mbështeten me naftë pa akcizë. Skema e këtij viti garanton një fond 1.2 mld lekë, ose 12 mln euro, dhe ndryshe nga 3 vitet e fundit, subjektet nuk do të tërheqin sasinë e naftës përfituese, por do të marrin pagesa në llogaritë e tyre.

Kjo mundësi ofrohet në bujqësi për uljen e kostove në prodhim, në fazën e kryerjes së punimeve të mekanizuara në kulturat bujqësore.

Kriteret dhe masa e përfitimit, janë përcaktuar në vendimin e Ministrisë së Bujqësisë të botuar në Fletoren Zyrtare.

Në tabelë, sasia e naftës, për të cilën llogaritet vlera e përfitimit sipas kulturave të të mbjellave për grupin e parë të kulturave si: misër, fasule, luledielli e sojë normativa e konsumit është 190 litra/ha. Sasia e naftës që përfitohet është 97 litra për ha dhe për këtë grup kulturash vlera që përfitohet është 18,800 lekë/ha.

Për grupin e dytë e të mbjellave, si grurë, tërshërë, thekër, elb, foragjere, patate, duhan, panxhar e pambuk, vlera që përfitohet është 12,800 lekë/ha.

Për grupin e tretë, që janë bimët aromatike-mjekësore do të përfitohet 8,900 lekë /ha.

Ndërsa për drurët frutorë dhe të perimeve të fushës dhe serrës, pagesat për naftën variojnë nga 3900 lekë deri 8800 lekë/ha.

LEXONI GJITHASHTU:

• Protestë e dhunshme e fermerëve në Varshavë, plagosen disa policë
• Jo naftë për fermerët, por lekë/ Ndryshon skema e mbështetjes, 8 masa tënë bujqësi