120 raste në ditë në spital/ Rritet numri i të prekurve me Covid-19 në Gjirokastër

Rreth 120 persona në ditë paraqiten pranë institucioneve shëndetësore në Gjirokastër për të marrë ndihmën mjekësore si shkak i prekjes nga virozat e stinës.

Pjesa më e madhe e tyre diagnostikohen nga bluzat e bardha me gripin stinor ndërsa në rritje po vjen numri i pacientëve të prekur me Covid-19

“Rastet në përgjithësi janë diku te 50-60 raste në ditë flasim te mjeku i familjes, ndërsa në spital është po e njëjta shifër, përsa i përket Covid 19 kemi shtim të rasteve së fundmi dhe akoma presim rritje duke u nisur edhe nga rajoni presim që të kemi rritje të Covid-19 edhe në rrethin tonë”-tha Noris Doraci, specialist i shëndetit publik.

Specialistët e shëndetit publik apelojnë për respektimin e masave parandaluese nga populluta si higjena, evitimi i grumbullimeve në mjedise të mbyllura, mbajtja e maskave në institucionet shëndetësore, etj. Respektimi i masave të tilla jo vetëm që do të ulte numrin e të prekurve nga gripi por eviton komplikacionet shëndetësore kryesisht në rastet me koronavirus.

“Me shtimin e rasteve të Covid-19 dhe gripit masat janë të njëjta, distancimi, mbajtja e maskave sidomos ne ambiente kur vete për vizitë te mjeku, te urgjenca, te pediatria, në laboratore, domethënë të njëjtat masa që ka pasur për Covid-19″- shtoi ai.

Gjatë ditëve të fundit në Gjirokastër konstatohen temperatura të ulëta të motit, të cilat ndikojnë edhe për infeksionet respiratore të stinës.

LEXONI GJITHASHTU: 

• Sulm vdekjeprurës izraelit në Liban
• Arratisja e kriminelit të rrezikshëm, Ekuadori shpall gjendjen e jashtëzakonshme