“15 vjet më parë isha në grevë që të hapen kutitë”, Klosi: PD i dogji

Sekretari i përgjithshëm i Partisë Socialiste, Blendi Klosi tha në emisionin Now në Euronews Albania se rinumërimi i votave në Tiranë dhe disa qarqe pas kërkesës së PD është gjëja e duhur në dobi të transparencës.

Ai risolli në vëmendje kohën kur PS kontestonte zgjedhjet e 2009 duke u futur në grevë urie me kërkesën që të hapeshin kutitë dhe jo vetëm që kjo nuk ndodhi, por kutitë u dogjën.

“Çdo pjesë e transparencës ja vlen, po flisni me dikë që 15 vjet më parë ka qenë në grevë urie me këtë kërkesë të hapen kutitë. Në 2010 u futëm në grevë urie dhe çfarë kërkuam; që votat e Beratit të numëroheshin, kishim të drejtë kushtetuese sipas kodit zgjedhor, nuk na e dhanë me arsyetimin që nuk kishim fakte të qenësishme dhe kur ne ishim në grevë urie u dogjën kutitë. Sot është data 19 qershor dhe ende nuk është shpallur rezultati zyrtar, mbase nuk ja vlen por sa i përket transparencës është gjë shumë e mirë. Por ajo që tregon rinumërimi, në 200 kuti të numëruara gabimi është 1 votë për 2 kuti, pra asgjë, është pasojë e lodhjes njerëzore”, tha Klosi.

LEXONI GJITHASHTU:

• Shehaj live nga rinumërimi: KAS po u shton vota të pavlefshme partive të mëdha
• Rinumërimi i votave, anëtari i KAS: Partitë e mëdha kanë humbur vota nga procesi