16-vjetori i pavarësisë së Kosovës, mbërrijnë urimet nga SHBA dhe Britania e Madhe

Këtë të shtunë, Republika e Kosovës shënon 16 vjet shtet. Në adresë të presidentes së vendit, Vjosa Osmani erdhën urime nga liderë të vendeve të ndryshme.

Pavarësisht deklarimeve të fundit te ambasadorit amerikan në Kosovë, se partneriteti Kosovë – SHBA është lëkundur me vendimin për dinarin, ka qene Jeffrey Hovenier i pari qe ka përcjell urimin e presidentit të SHBA, Joe Biden.

Në urimin e tij Biden përmend partneritetin me Kosovën, derisa shton se dialogun me Serbine duhet te përmbyllet me njohje të ndërsjellët eventuale.

 “Shtetet e Bashkuara mbështesin fuqishëm Kosovën multietnike dhe integrimin e saj në institucionet evropiane dhe euroatlantike. Ne gjithashtu vazhdojmë të mbështesim përpjekjet e dialogut të lehtësuar nga BE për të arritur një marrëveshje gjithëpërfshirëse të normalizimit me Serbinë, një hap i rëndësishëm drejt njohjes së ndërsjellë eventuale. Krahas kombeve në të gjithë rajonin dhe në mbarë botën, Shtetet e Bashkuara inkurajojnë lidershipin e Kosovës që të përmbushë të gjitha obligimet e saj, duke përfshirë të gjitha marrëveshjet e kaluara të arritura përmes këtij procesi.”

Urimi i dytë erdhi nga Mbretëria e Bashkuar.

Ne telegramin e tij Mbreti i Mbretërisë së Bashkuar, Charles III, vlerësoi lartë marrëdhëniet mes dy vendeve dhe dy popujve.

 “E vlerësoj lidhjen në mes të shteteve tona, dhe  shpresoj se dy vendet tona do të vazhdojnë bashkëpunimin e ngushtë në çështje te rëndësishme globale, qofshin ato për paqe e prosperitet apo ambienti e ngrohja globale, por nga të cilat do të përfitojnë brezi ynë i ardhshëm.”

Për 17 shkurt Osmani pranoi urime edhe nga lider të tjerë te vendeve te Evropës e botës.

Kjo ditë, përveç me urime nga miq e partner, do shënohet edhe me shume aktivitete.

Ajo qe ndryshon nga vitet e tjera, këtë herë nuk do të ketë parakalim te Forcave te Sigurisë se Kosove.

Ndërsa do te ketë mbledhje solemne të qeverisë, dhe kuvendit të Kosovës, homazhe te shumta, koncerte e pritje shtetërore nga krerët e Republikës se Kosovës dhe përfaqësitë e saj diplomatike gjithandej nëpër botë.

LEXONI GJITHASHTU:

• Kryeministri Rama uron 16-vjetorin e pavarësisë së Kosovës
• Kosova, 16 vjet shtet i pavarur! Urimet e ndërkombëtarëve