17-vjeçari që u hakmor në Lezhë, i pranishëm në vrasjen e babait

17-vjeçari që u hakmor për vrasjen e babait të tij në Lezhë, ka qenë i pranishëm në vendngjarje.

Gazetari Gjergj Figuri tha për emisionin “Mirëmëngjes” në Euronews Albania se vetë i riu, në atë kohë, vetëm 4-vjeç, mbeti i plagosur nga të shtënat me çifte. Pasi nëna e tij u informua për ngjarjen e rëndë, ajo vendosi t’i jepte fund jetës, duke pirë helm.

I riu, u rrit nën përkujdesjen e tezes dhe xhaxhait të tij. Ndërsa vrasësi qëndroi në burg vetëm 7 vite.

Mesditën e së hënës, 17-vjeçari qëlloi për vdekje vëllain e vrasësit të babait të tij, Lekë Lekgjonajn, në fshatin Manati të Lezhës.

I riu u arrestua pak minuta pas ngjarjes së rëndë. Në rrjetet sociale ai u shpreh se nuk u hakmor, por vuri nderin në vend.

Ndërsa, psikologia Arjana Mucaj u shpreh se faj në këtë situatë ka familja, në mënyrën sesi e ka rritur 17-vjeçarin.

Sipas saj, përgjegjësi kanë edhe shkolla, bashkia dhe institucionet e kujdesit social.

LEXONI GJITHASHTU:

• Vrasje në Lezhë, arrestohet autori 17-vjeçar