Shtëpitë e barit në Shqipëri sa vijnë e shtohen, ku për prëfshirje janë akuzuar edhe 174 punonjës shteti.
Rasti i fundit u zbulua në fshatin Ndroq pak ditë më parë. Krahas kultivuesve të kanabisit, nën akuzë po vihen edhe punonjës të OSHEE dhe zyrtarë lokalë.
Në një shtëpi të veçuar, të dhënë me qira në fshatin Ndoq, OSHEE, kishte konstatuar humbje te energjisë elektrike.
Por punonjësit e zonës nuk kishin verifikuar e as ndërprerë lidhjen e paligjshme që furnizonte me energji llambat për rritjen e kanabisit.
Pas dy ditësh në burg, Gjykata la në “arrest shtëpie” elektricistin e zonës dhe faturistin.
Sa i takon kultivimit të kanabisit në tokë të hapur, vitin që lamë pas janë konstatuar rreth 750 raste.
Veç kultivuesve nën akuzë për shpërdorim detyre dhe mos kallëzim krimi, kanë përfunduar edhe 174 punonjës të administratës shtetërore dhe vendore.
Punonjës shteti nën akuzë për kanabisin:
- 38 punonjës të OSHEE
- 13 administratorë vendorë
- 46 punonjës të pyjeve
- 77 kryepleq fshatrash
Policia thotë se llampat e fuqishme për mbjelljen e kanabisit sigurohen në Kinë, ndërsa investitorët kryesisht e kanë kryer këtë aktivitet të paligjshëm edhe jashtë vendit.
Krahas Britanisë së madhe, grupe shqiptarësh që kultivojnë kanabis po kthehen në problem edhe për policinë spanjolle.
