Partizani ka marrë një fitore me rezultat minimal, por me vlerën e kualifikimit në përballjen me Vlamieran të zhvilluar në Elbasan Arena.

Të besuarit e Zoran Zekic zhvilluan një paraqitje pozitive, ndërsa goli i vetëm i sfidës erdhi nga sulmuesi Tedi Cara me 11 metërsh. Në total të kuqtë regjistrojnë rezultatin 3-1, për të dyja ndeshjet, duke gëzuar kështu të drejtën për të vijuar rrugëtimin në Conference League.

Partizani, Struga dhe Ballkani janë 180 minuta larg historisë, e thënë ndryshe fazës së grupeve, ku vetëm njëra prej këtyre skuadrave ia ka dalë më parë të ketë një arritje të tillë. Në ndeshjen play-off, të kuqtë do të ndeshen me Astanën, skuadrën nga Kazakistani e cila konsiderohet një kundërshtar i vështirë në letër.

Sa i përket dy skuadrave të tjera shqiptare, shorti është treguar disi më i butë, me Ballkanin që do të ketë përballë Bate Borisov, skuadrën me të cilën u përball dhe Partizani këtë sezon.

Të enjten, skuadra nga Suhareka mori një fitore të madhe ndaj Lincoln me rezultatin total 5-1. Struga në play off ka përballë Breidablik, islandezët të cilët po ashtu synojnë të jenë pjesë e fazës së grupeve në këtë edicion të Konferencës.

LEXONI GJITHASHTU: 

• Alban Daci: Basha do mbetet i paprekur nga sulmet e drejtësisë
• “Putin nuk më foli për luftën”, rrëfimi i Lukashenko: Më kërkoi vetëm ta mbështesja