“Putin nuk më foli për luftën”, rrëfimi i Lukashenko: Më kërkoi vetëm ta mbështesja

Presidenti bjellorus, Aleksandër Lukashenko ka deklaruar se homologu rus Vladimir Putin nuk i kishte thënë kurrë se do të niste një luftë. Por ai i kishte kërkuar atij t’i mbulonte shpatullat nëse ndodhte ndonjë gjë përpara pushtimit të Ukrainës 24 shkurtin e 2022-shit.

“Ju betohem se nuk ka pasur kurrë fjalë se Rusia do të vepronte kundër Ukrainës. E vetmja gjë është se pak ditë ose një ditë më pas, ne u takuam me të në rezidencën e tij në Rusi dhe diskutuam për situatën që ishte krijuar.

Atëherë ai më tha këtë që unë po e them për herë të parë: Dëgjo, Aleksander, situata është e tillë që nëse ndodh diçka, mund të ndodhë gjithçka. Mund të më mbulosh, të lutem?”- tha Aleksandër Lukashenko, president i Bjellorusisë.

Territori bjellorus është përdorur nga ushtria ruse si një platformë strategjike ushtarake kundër Ukrainës. Gjatë intervistës, Lukashenko ka pranuar për herë të parë se njësitë ruse kishin hyrë në territorin ukrainas nga Bjellorusia, specifikisht në rajonin e Çernobillit, në shkurt të 2022-shit.

Lukashenko beson se Putin nuk mund të rrëzohet dhe parashikon se lideri rus do të jetë gati të kandidojë për t’u rizgjedhur në 2024-n.

LEXONI GJITHASHTU:

• Shahu, një nga sporte më të preferuara të fëmijëve qytetin e Gurtë
• Ndeshja e Play-Off në Conference League, stadiumi nuk plotëson kushtet