Ndeshja e Play-Off në Conference League, stadiumi nuk plotëson kushtet

Ndeshja e parë e Play Off e skuadrës së Strugës do të luhet në Shqipëri, e konkretisht në stadiumin Elbasan Arena.

Shkak për këtë ndryshim është bërë mungesa e kushteve në stadiumin e skuadrës nga Maqedonia e Veriut, e si rrjedhojë dy federatat, por edhe UEFA janë dakordësuar që përballja të luhet në vendin tonë.

Jo vetëm në Strugë, por asnjë nga stadiumet që ndodhen në Maqedoninë e Veriut nuk plotësojnë kriteret për të pritur një ndeshje të këtij niveli, në këtë fazë të kompeticionit.

Për këtë arsye u ra dakord që skuadra ndeshjen pritëse ta zhvillojë në impiantin modern të Elbasan Arenës, aty ku Partizani zhvilloi ndeshjen e kthimit ndaj Valmierës.

Në një njoftim të bërë nga FSHF, bëhet me dije se organizimi dhe mbarëvajtja e ndeshjes është e gjitha përgjegjësi e tyre.

Kujtojmë se ndeshja e Play-Off e kampionëve të Maqedonisë së Veriut luhet në 24 gusht në orën 19, aty ku Struga do të përballet me Breidablik, ekipin nga Islanda. Në rast fitore në këtë përballje, të besuarit e Shpëtim Duros do të shkruanin historinë e do të avanconin për herë të parë në fazën e grupeve të Conference League.

LEXONI GJITHASHTU: 

• Në kërkim pasi u kap me 30 kg kanabis, në pranga 29-vjeçari në Gjirokastër
• SHBA miraton dërgimin e aeroplanëve F-16 në Ukrainë përmes Danimarkës dhe Holandës