Këtë vit të ri shkollor në qarkun e Korçës janë 1800 nxënës më pak në sistem parauniversitar në krahasim me një vit më parë, ndërkohë që edhe 6 shkolla do të mbyllen për shkak të uljes së numrit të nxënësve
Një gjë e tillë është bërë me dije se drejtoresha e drejtorisë rajonale të arsimit parauniversitar Vinjola Rrota, e cila shton se edhe numri i nxënësve që do të ulen për herë të parë në bankat e shkollës është më i ulët se viti i kaluar.
Ulja e numrit të nxënësve ka nxjerrë “të tepërt” vetëm në qarkun e Korçës rreth 80 mësues, të cilët sipas drejtoreshës do të mbeten në sistemin arsimor si mësues ndihmës.
Në rang qarku janë rreth 21 mijë nxënës do të nisin vitin e ri shkollor ndërkohë që vitin e kaluar kanë qenë afro 23 mijë nxënës. Vitin e kaluar për herë të parë në bankat e shkollës u ulën 1698 nxënës ndërkohë që këtë vit pritet të ulen jo me tepër se 1300 nxënës.
