EMRI| U kap duke shitur kanabis, kontrolli në banesë ‘fundos’ korçarin

Shtetasi Ropi Tajko është arrestuar nga policia në Korçë pasi u kap në flagrancë duke i shitur një sasi kanabisi një tjetër personi.

Pas ndalimit, uniformat blu kryen kontrolle në banesën e këtij shtetasi ku mundën të sekuestronin 1 armë zjarri automatike, 1 krehër, municion luftarak, pjesë arme dhe 55 doza të lëndës narkotike kanabis. Të gjitha sendet e kundërligjshme u sekuestruan në cilësinë e provës materiale.

Grupi hetimor po vijon punën për zbardhjen e plotë të veprimtarisë kriminale si dhe personave të tjerë që mund të kenë bashkëpunuar me të.

Materialet në ngarkim të tij i kaluan Prokurorisë pranë Gjykatës së Shkallës së Parë Korçë, për veprime të mëtejshme.

“Shtetasi R. T., është kapur nga shërbimet e Policisë në qytetin e Korçës, duke i shitur shtetasit A. M., një sasi të vogël me lëndë narkotike kanabis. Në vijim të veprimeve procedurale, gjatë kontrollit të ushtruar në banesën e shtetasit R. T., iu gjetën 1 armë zjarri automatik, 1 krehër, municion luftarak, pjesë arme dhe 55 doza të lëndës narkotike kanabis, të cilat u sekuestruan në cilësinë e provës materiale”, thuhet në njoftimin e policisë.

LEXONI GJITHASHTU

• Policia sekuestron 19 900 dollarë në pikën kufitare: Nuk i deklaroi
• U qëllua nga një makinë në lëvizje, detaje nga konflikti me armë në Lushnjë
• Konflikt për pronën mes kushërinjve në Lushnje, plagoset me armë zjarri një person