“EncroChat dhe Sky në duart e policëve”, Balla: Do të përjashtohen përgjithmonë 

Efektivët e policisë të cilët kanë përdorur sistemet e koduara të komunikimit Sky apo EncroChat do të përjashtohen përgjithmonë nga radhët e policisë së shtetit.

Lajmin e ka bërë të ditur Ministri i Brendshëm Taulant Balla gjatë një seance dëgjimore në Komisionin për Çështjet Europiane.

Ndërsa deputetja demokrate, Jorida Tabaku tha se nevojitet më shumë punë për të këputur fijet që lidhin krimin me policinë e shtetit, duke sjellë në vëmendje faktin se janë 70 drejtues të lartë të policisë që po hetohen nga SPAK.

Për të goditur në kohë dhe pa ndërhyrje kriminalitetin, Balla tha se do të ngrihet një forcë Kombëtare për sigurinë publike.

Duke e cilësuar si një veting në policinë e shtetit, Balla paralajmëroi një tjetër aksion nga Europol ku të përfshirë janë edhe punonjës të policisë së shtetit.

LEXONI GJITHASHTU:

• Balla parlajmëron një tjetër aksion: Kemi të dhëna nga Europol, policë të përfshirë
• Arrestimi i zyrtarit që shiste produkte të skaduara në shkollë, reagon Balla