Ish-ambasadori: Samiti duhej të mbahej në Prishtinë, ja pse u mbajt në Tiranë

Syle Ukshini, ish-ambasador i Kosovës në Tiranë tha në një intervistë për Euroneës Albania se samiti i liderëve të BE duhet të ishte mbajtur në Prishtinë jo në Tiranë.

Sipas tij, samiti u mbajt në Tiranë për shkak të politikës së moderuar dhe asnjanëse të Ramës që ka për qëllim të ngrejë imazhin e Shqipërisë përballë vendeve të BE.

“Mendoj se samiti do ishte më mirë të mbahej në Prishtinë dhe të inkurajohej Prishtina në një moment të agresionit nga Serbia. Mendoj se samiti u mbajt në Tiranë pasi Tirana zyrtare ka disa vite që luan një rol neutral që është për t’i pëlqyer BE dhe ndërkombëtarëve. Unë nuk jam nga ata që thonë se Rama është tradhtar, ai po dëshiron ta pozicionojë Shqipërinë lart në Evropë me imazh. Sikur Rama të rreshtohej krah Kosovës samiti nuk do mbahej në Tiranë”, tha ai.

LEXONI GJITHASHTU:

• Agim Nesho përplaset me Xhafajn: Çfarë fituam nga Samiti? Vetëm tallava…
• Samiti/ Berisha: Rama nuk punoi për shkrirjen e akujve mes Tiranës dhe Prishtinës