2.2 mld euro dëm mashtrime me TVSh në BE, të përfshira edhe kompani shqiptare

Zyra e Prokurorit Publik Europian njoftoi të martën se zbuloi skemën më të madhe të mashtrimit ndërkufitar me TVSH-në të hetuar ndonjëherë në BE, me vlerë rreth 2.2 miliardë euro.

Çështja mori udhë në prill 2021 në Portugali, ku autoritetet vendase po hetonin një kompani që shiste telefona celularë, tableta, kufje dhe pajisje të tjera elektronike.

Kompania portugeze ishte maja e ajsbergut. Hetimet shtesë nga prokurorët zbuluan se në skemën e mashtrimit ishin të përfshira rreth 9,000 kompani dhe më shumë se 600 personave.

Në listën e tyre, sipas njoftimit të Zyrës ka kompani dhe individë nga Shqipëria.

Sipas agjencisë së BE-së, dosja shfaq një “kompleksitet të jashtëzakonshëm të zinxhirit të kompanive” të përfshira në këtë skemë.

Skemat e mashtrimit me TVSh-në vlerësohen ndër krimet më fitimprurëse në Bashkimin Europian, duke shkaktuar çdo vit një dëm financiar deri në 50 miliardë euro.

Në Shqipëri, dëmi i skemave të mashtrimit me TVSh që janë zbuluar në pesë vitet e fundit shkon në 66 milionë euro.

LEXONI GJITHASHTU:

• Hakerimi nisi në serverin e DAP, specialistët IT shpërdoruan detyrën
• Pak mallra, shumë pasagjerë, tkurret sasia e përpunuar në porte
• I dënuar për trafik droge, 51-vjeçari shqiptar ekstradohet në Itali