Hakerimi nisi në serverin e DAP, specialistët IT shpërdoruan detyrën

Serveri i administrata.al në Departamentin e Administratës Publike, ka qenë porta hyrëse e hakerave iranian “homeland justice”, për të goditur shumicën prej faqeve qeveritare.

Sipas hetimit disa mujor të Prokurorisë së Tiranës, punonjësit e IT-së pranë DAP, nuk kanë marrë masat për të përditësuar këtë server dhe për të implementuar antiviruset e fundit për mbrojtjen ndaj sulmeve kibernetike.

Për punonjësit e IT-së në DAP, Rudina Llagami; Albi Gjeka; Altin Sallaku; Alketa Sulo dhe Igli Lubonja, prokuroria kërkoi hetimin nën masën e sigurisë së ‘arrestit në shtëpi’, por gjykata e Tiranës, rrëzoi kërkesën e organit të akuzës, duke caktuar që 5 punonjësit të hetohen nën masën ‘detyrim paraqitjeje’.

Në dosjen hetimore prokuroria thotë se personat e lartëpërmendur kanë shpërdoruar detyrën, pasi duhet të kërkonin raportim nga operatori ekonomik që ishte përgjegjës për situatën e sigurisë në faqen e administrata.al si dhe për antiviruset që përdoreshin për mbrojtjen e kësaj faqeje.

Sipas hetimit të prokurorisë sulmi kibernetik kishte si qëllim, shkatërrimin e të gjithë sistemeve në Shqipëri.

Nga verifikimet rezulton se është përdorur teknologjia, “Proxy” për mbulimin e prejardhjes së komunikimit.

Nga komunikimet e shkëputura përkohësisht kanë dalë qartë që mbrapa këtij sulmi fshiheshin IP iraniane.

Për marrjen e të dhënave nga infrastruktura është përdorur një “Cyper tool” i krijuar nga Ministria e Inteligjencës Iraniane për të hackuar “email”.

Irani është i vetmi vend në botë që fushën kibernetike e ka në nivele ministrie, pikërisht për të treguar rëndësinë që ka për ta ky aktivitet.

Po ashtu është përdorur metoda Zeroclear, e cila gjithashtu është e lidhur me Ministrinë e Inteligjencës Iraniane (MOIS) ku burimi i licencave është ndarë mes aktorëve të ndryshëm iraniane.

LEXONI GJITHASHTU:

• Muaji i festivalit europian, në 35 qytete shfaqen filma në secilën gjuhë
• Gjykatë për krimet ruse, BE: Ukraina të rindërtohet me paratë e oligarkëve
• Strasburgu dënon Shqipërinë, ligji i Kushtetueses cenon të drejtat e njeriut