Pak mallra, shumë pasagjerë, tkurret sasia e përpunuar në porte

Sasia e mallrave përgjatë këtij viti është tkurrur ndjeshëm krahasuar me vitin e kaluar. Të dhënat tregojnë se vetëm në muajin tetor, volumi u reduktua me 40%. Ndërkohë, këtë vit është rritur fluksi i njerëzve, sidomos atyre që udhëtojnë me avion.

Në Shqipëri po hyjnë më pak mallra. Në muajin tetor, sasia që transportua nga ajri, deti dhe hekuruha ishte 40% më e ulët se tetorin e vitit të kaluar. Me ndikim negativ, është regjistruar edhe periudha 10-mujore, ku fluksi i ngarkesave ka rënë 25%.

Të dhënat e mbledhura nga INSTAT, tregojnë se tregtia po funksionon më mirë tek të ardhurat që arkëtohen nga këto mallra, ndërsa sasia e përgjithëshme është reduktuar që nga muaji mars, kur nisi të përshkallëzohej lufta Rusi-Ukrainë.

Sipas infrastrukturës, vendi ynë transporton pothuajse të gjithë sasinë e mallrave në rrugë detare.

Por, e kundërta ka ndodhur me qarkullimin e njerëzve. Në krahasim me vitin e kaluar, fluksi është rritur, sidomos nga rrugët ajrore. Në muajin tetor, më shumë se 475 mijë individë erdhën në Shqipëri me një biletë avioni dhe 78 mijë të tjerë me target.

Investimet në aeroportin e Tiranës me shtimin e linjave ajrore dhe biletat ekonomike kanë ndikuar në rritjen e fluksit të njerëzve që qarkullojnë me aeroplan.

LEXONI GJITHASHTU

• Investimi në Durrës, Spaho: Mallrat e importit do shkarkohen në Mal të Zi ose Greqi
• ‘Duhet t’i nënshtroheni shumicës’, Beqiri debat me Kullurin për Portin e Durrësit
• Porti s’bëhet pa dijeninë e SHBA, ironia e Ngjelës: Pse nuk shkon Berisha t’i lutet?