‘Duhet t’i nënshtroheni shumicës’, Beqiri debat me Kullurin për Portin e Durrësit

Avokati Idajet Beqiri dhe ish-këshilltari i Partisë Demokratike, Edvin Kulluri kanë debatuar në lidhje me projektin për Portin e ri turistik të Durrësit.

Në “Euronews Albania”, Beqiri u shpreh se nëse shumica në parlament voton pro projektligjit, opozita duhet t’i nënshtrohet këtij vendimi.

“Ligji do shkojë në parlament, nëse shumica do e miratojë siç është, do t’i nënshtrohesh patjetër. Është shumicë, është vota populli. Nuk jemi në këtë fazë, jemi në fazën e zgjedhjeve të lira dhe demokratike. Ia kanë dhënë shumicën apo jo? Nëse shumica e parlamentit voton, nuk dëgjohet pakica”, nënvizoi Beqiri.

Ndërsa, Kulluri e ka kundërshtuar diçka të tillë, duke thënë se mazhoranca e sotme sillet si tirani shumice dhe shtoi se demokracia nuk është nënshtrim.

“Nënshtrim është demokracia? Tirani shumice. Si shoku Enver në vitin 1945, e mora pushtetin, tani bëni çfarë të doni”, theksoi Kulluri.

Disa ditë më parë, Kuvendi miratoi kërkesën e qeverisë për të kaluar me procedurë të pershpejtuar një projektligj për Portin e Durrësit.

Kalimi me procedurë të përshpejtuar, u kundërshtua nga opozita.

LEXONI GJITHASHTU

• Porti s’bëhet pa dijeninë e SHBA, ironia e Ngjelës: Pse nuk shkon Berisha t’i lutet?
• Opozita kundërshton për portin, Ngjela: Kush i pyet ata, për Shqipërinë është fat
• Paralajmëron gazetari: Gabimet që po bëjnë me portin e Durrësit