Paralajmëron gazetari: Gabimet që po bëjnë me portin e Durrësit

Gazetari Lavdrim Lita thotë se opozita e opozitës lidhur me projektin në portin e Durrësit është e gabuar.

Në një intervistë për Euronews Albania, Lita u shpreh se opozita dërgoi në Gjykatë Kushtetuese një marrëveshje që nuk ishte miratuar ende në Parlament çka do të bëjë që kërkesa të rrëzohet.

Nga ana tjetër, sipas tij, hapi i radhës i opozitës duhet të ishte mbledhja e firmave për një referendum kombëtar apo lokal kundër këtij projekti si edhe premtimi që kur të jenë në qeveri do të bllokojnë çdo projekt që nuk i ka transparent pronarët.

“Porti i Durrësit është busulla orientuese e ekonomisë së Shqipërisë prej 2000 vjetësh dhe nuk bëhet shaka me këtë, ndaj jam pak i emocionuar dhe jam i sigurt se në një plan afatgjatë kjo do ta dëmtojë shumë vendin. Portin e Durrësit e kemi multimodal, multifunksional, i kemi të gjitha mundësitë që ta bëjmë Durrësin një port modern”, u shpreh Lita.

LEXONI GJITHASHTU:

• ‘Porti i Durrësit në Kushtetuese’, avokati: Padi edhe për kontratën
• Porti i Durrësit projekt mafioz, Meta: Gjithçka bëhet për të fituar nga apartamentet