‘Porti i Durrësit në Kushtetuese’, avokati: Padi edhe për kontratën

Disa ditë më parë, Partia Demokratike depozitoi në Gjykatën Kushtetuese marrëveshjen e Portit të Durrësit, të nënshkruar nga qeveria, por ende të pamiratuar në Kuvend.

Avokati Franc Nuri thotë se kjo marrëveshje ndërkombëtare, mund t’i shërbejë në të ardhmen kompanisë private, për të kërkuar dëmshpërblim në arbitrazh, nëse do të ndërpritet.

Sipas tij, do të ngrihet padi në Kushtetuese edhe për kontratën, pasi shkel marrëveshjen e Stabilizim-Asocimit.

“Ne në Gjykatën Kushtetuese, kemi dorëzuar kërkesën për të anuluar projektin e Portit të Durrësit. Nga ana teknike, kemi atakuar ligjin  që ka ratifikuar marrëveshjen midis qeverisë shqiptare dhe atë të Emirateve të Bashkuara Arabe. Beteja jonë nuk përfundon këtu. Ne kemi atakuar marrëveshjen ndërkombëtare, mbi të cilën qeveria shqiptare është duke negociuar dhe miratuar marrëveshjen me procedurë të përshpejtuar.

Ajo marrëveshje ndërkombëtare do shërbejë si marrëveshje në të cilën kompania private do kërkojë dëmshpërblimet në arbitrazh ndaj qeverisë shqiptare, nëse ajo ndërpritet. Ne do atakojmë edhe kontratën edhe kontratën e cila po miratohet aktualisht në Parlament me procedurë të përshpejtuar. Shkelet marrëveshja e Stabilizim-Asocimit. Nuk ka të drejtë shteti shqiptar, që t’i japë një kompanie të paracaktuar, një kontratë me vlerë tepër të madhe, pa garë”, theksoi ai.

LEXONI GJITHASHTU

• ‘Po filloi Porti Turistik s’e marrim më kurrë Durrësin’, Rama i përgjigjet opozitës
• Braçe ironi ndaj Kumbaros: Rang shumë i lartë, nuk komunikon me nivelet më poshtë
• Gazment Bardhi përjashtohet për 5 ditë nga Kuvendi dhe Komisionet Parlamentare