Investimi në Durrës, Spaho: Mallrat e importit do shkarkohen në Mal të Zi ose Greqi

Eksperti i ekonomisë, Mateo Spaho thotë se pas investimit në Portin e ri turistik të Durrësit, Shqipëria nuk do të ketë një port të përshtatshëm dhe me infrastrukturën e duhur për të marrë mallra nga importi.

Në një intervistë për Euronews Albania, Spaho u shpreh se mallrat e importit, mund të vijnë në Shqipëri, pasi të shkarkohen në Portin e Tivarit në Mal të Zi, apo të Selanikut në Greqi.

“Së pari, vetë procedura është problematike. Jemi në një situatë ku është porti më i rëndësishëm edhe për aspektin i nfrstrukturor për hyrjet dhe daljet nga Shqipëria, sidomos për transportin e mallrave. Mungesa e këtij porti, do të krijojë problematika të mëdha, sa i përket Shqipërisë dhe sa i përket furnizimit që ne kemi me vendet e tjera me anë të detit.

Porti që ngelet më pas dhe që i ka infrastrukturat e domosdoshme për ngarkim-shkarkim, është Porti i Barit, ose i Tivarit në Mal të Zi. Importet, duke filluar nga ushqimet, apo lëndët e ndërtimi, do të vijnë nga Mali i Zi, ose do të shkarkohen në Selanik. Portet e tjera që  ne kemi, nuk i kemi kapacitetet për të përpunuar këto mallra”, theksoi ai.

LEXONI GJITHASHTU

• ‘Duhet t’i nënshtroheni shumicës’, Beqiri debat me Kullurin për Portin e Durrësit
• Porti s’bëhet pa dijeninë e SHBA, ironia e Ngjelës: Pse nuk shkon Berisha t’i lutet?
• Opozita kundërshton për portin, Ngjela: Kush i pyet ata, për Shqipërinë është fat