2 adoleshentë humbin jetën në një aksident në Durrës

Dy vëllezër adoleshentë humbën jetën për shkak të një aksidenti në Durrës mbrëmjen e djeshme.

Njëri nga viktimat, 15 vjeç, humbi jetën mbrëmë në vendngjarje, ndërsa 13-vjeçari që fillimisht mbeti i plagosur vdiq sot në spital.

Aksidenti ndodhi pasi makina me shofer XH.M. u përplas me ciklomotorin që kishte një kosh metalik me dy pasagjerë brenda.

Ciklomorin e drejtonte S.K, i ati i viktimave.

Dy vëllezërit që ndodheshin në koshin metalik si pasagjerë, F. K. dhe D. K., humbën jetën për shkak të përplasjes.

Drejtuesi i automjetit ishte në gjendje të dehur.

Aksidenti ndodhi të martën rreth orës 23:00 në lagjen nr. 14 në Durrës.

Pavarësisht se kanë kaluar disa orë, Policia Durrësit ende nuk ka asnjë njoftim për humbjen e jetës së 13-vjeçarit.