2 cisterna të lidhura me flotën e fshehtë ruse morën zjarr pranë brigjeve të Turqisë

Autoritetet turke raportuan se dy cisterna nafte të lidhura me “flotën e fshehtë” ruse, e njohur për shkeljen e sanksioneve ndërkombëtare, morën zjarr të premten në Detin e Zi pranë Ngushticës së Bosforit.

Anija e parë, Kairos me flamur të Gambisë, shpërtheu dhe mori zjarr rreth 28 milje detare larg bregut turk të provincës Kocaeli, ndërsa po lundronte pa ngarkesë nga Egjipti drejt portit rus të Novorossiysk, raportoi Ministria Turke e Transportit.

Pak më vonë, u raportua se një tjetër cisternë, Virat, ishte “goditur” në një zonë tjetër të Detit të Zi, rreth 35 milje detare larg bregut turk.

Autoritetet detare turke shpjeguan se incidenti i parë dyshohet se u shkaktua nga një “ndikim i jashtëm”, por nuk dhanë detaje të mëtejshme mbi origjinën e sulmit. Dinamika mbetet e paqartë dhe autoritetet nuk përjashtojnë mundësinë e një shpërthimi të shkaktuar nga mina detare ose një sulm i qëllimshëm.

Vitet e fundit ka patur incidente me anije që kanë goditur mina të lundrueshme në Detin e Zi. Në pritje të verifikimeve të mëtejshme, autoritetet detare mbajnë nivel të lartë gatishmërie dhe monitorojnë situatën për të parandaluar incidente të reja dhe për të siguruar sigurinë e trafikut detar në zonën e Bosforit.

LEXONI GJITHASHTU:

• Ekuipazhi amerikano-rus nis me sukses misionin me anijen kozmike Soyuz
• Anijet turke hyjnë në ujërat territoriale të Greqisë, reagon roja bregdetare