2 të arrestuar për 980 bimë kanabis, operacione anti-drogë në Skrapar

980 bimë kanabis të kultivuara në një zonë të pyllëzuar në në fshatin Novaj, në Skrapar janë djegur nga policia.

2 personat që dyshohet se kujdeseshin për bimët janë arrestuar.

Një hetim ka nisur për kryetarin e fshatit Novaj dhe inspektorin e shërbimit pyjor të kësaj zone. Akuza që rëndon mbi ta është ajo e shpërdorimit të detyrës.

2 radio marrëse-dhënëse që u gjetën në banesat e të arrestuarve janë sekuestruar.

Policia ka bërë me dije se gjatë të gjitha fazave të operacionit “Tomorri”, janë asgjësuar 2105 bimë narkotike cannabis sativa, janë arrestuar 5 shtetas, është shpallur në kërkim 1 shtetas dhe janë proceduar në gjendje të lirë 3 të tjerë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

LEXONI GJITHASHTU:

• Qëllohet me breshëri kallashnikovi në drejtim të një banese në Skrapar
• Humb jetën turku në Skrapar, i bie sipër çisterna me ujë