2 të plagosur në aksident në Elbasan-Librazhd

2 persona kanë mbetur të plagosur në një aksident të shënuar në aksin rrugor Elbasan-Librazhd mbrëmjen e së enjtes.

Policia tha se ngjarja ndodhi në fshatin Mengel, shtetasi M. Z., 70 vjeç, banues në Elbasan, duke drejtuar mjetin tip “Benz “, ka humbur kontrollin mbi drejtimin e tij dhe ka goditur mjetin tip “Reno” ( mjet për pastrimin e plehrave) me drejtues shtetasin  V.P., 56 vjeç, banues në Elbasan.

Si pasojë e përplasjes, është dëmtuar një punonjës që ndodhej në mjetin e pastrimit, shtetasi A.K., rreth 50 vjeç, banues në Elbasan si dhe pasagjeri i mjetit tip “Benz”, shtetasi M.Xh., 65 vjeç, banues në Elbasan, të cilët ndodhen në spital nën kujdesin e mjekëve.

Grupi hetimor në vendngjarje vazhdon hetimet për zbardhjen e plotë të rrethanave të aksidentit.

LEXONI GJITHASHTU:

• Buzë “rrugës së vdekjes”, aksi Korçë-Pogradec magnet aksidentesh, shkak shpejtësia
• Aksident në aksin rrugor Korçë- Pogradec, plagosen tre persona