Dy të rinj janë arrestuar në flagrancë pasi kanë vjedhur një banesë në Shkodër.

Njëri adoleshent, 17 vjeç dhe tjetri 22 vjeç, sipas policisë kanë vjedhur një shumë të konsiderueshme parash, në banesën e një të moshuari në fshatin Bardhaj.

Pas denoncimit, policia në bashkëpunim me forcat ‘Shqiponja’ arritën të identifikonin dhe arrestonin dy të dyshuarit.

Mësohet se dy të rinjtë kishin arritur të merrnin nga banesa e të moshuarit një shumë prej gati 1 milionë lekë të reja.