Efektivi i FNSH bashkë me vjehrrën vdesin në aksident, 4 të plagosur

2 persona kanë vdekur dhe 4 janë plagosur nga një aksident në aksin rrugor Levan – Tepelenë. Në fshatin Buzëmadh rreth orës 20:20 u përplasën 2 automjete tip “Zafira” dhe “Ford”.

“Grupi hetimor ndodhet në vendngjarje dhe po punon për zbardhjen e shkakut të aksidentit si edhe identifikimin e personave që janë plagosur dhe kanë ndërruar jetë,’ – thuhet në njoftimin e policisë.

Kanë ndërruar jetë efektivi i FNSH, Sokrat Lelaj, 54 vjeç, banues në Mbrostar, (drejtuesi i mjetit “Ford”), dhe Bylyre Salaj, 78 vjeçe (vjehrra), si edhe ndodhet në spital në gjendje të rëndë, Fatbardha Lelaj, 53 vjeçe (bashkëshortja).

Të plagosur kanë mbetur Gerti Skënderaj, 43 vjeç, banues në Cakran (drejtuesi i mjetit tip “Opel Zafira”), bashkëshortja Gladiola Meraj, 31 vjeçe dhe vajza e tyre 6 vjeçe.

LEXONI GJITHASHUTU:

• Aksident me një të lënduar në Pogradec