20-vjeçari: I afërmi më hodhi magji në ushqim kur isha 15 vjeç, hoxha po më shëron 

Hoxhë Skënder Umeri, nga Kosova është bërë viral në  rrjetet sociale pasi ka deklaruar se ka fuqi që të shërojë disa njerëz që vuajnë nga xhindet apo që kanë probleme të ndryshme psikologjike/psiqike.

Në emisionin GoodMorning Albanians në Euronews Albania, një 20-vjeçar nga Tirana tregoi se një i afërm i kishte bërë magji që kur ishte 15 vjeç dhe vetëm prej hoxhës po fillon të ndiejë përmirësim.

“Kam dy javë që kurohem nga hoxha, vuaj nga magjia. Më jepte simptoma, kisha rrahje zemre, bllokim frymëmarrjeje, frikë. I kam bërë të gjitha analizat, gjithçka që ka të bëjë me mjekësinë dilte në rregull. Nuk është hequr xhindi, kam përmirësim shumë më mirë. Kisha 5 vjet më këto simptoma, magjinë ma ka bërë një njëri shumë i afërt i fisit, gradualisht, pak nga pak në ushqim. Unë  e kam ngrënë magjinë”, tregoi 20-vjeçari.

LEXONI GJITHASHTU:

• Hoxha: Lexoj Kuran deri në 12 orë që të lodhet xhindi dhe të ikë…
• Hoxha nga Kosova që pretendon se largon xhindet dhe magjitë