Policia turke ka arrestuar 210 persona të dyshuar të lidhur me organizatën terroriste – ISIS.

Operacionet u zhvilluan në 49 provinca në Turqi, duke vënë në shënjestër të dyshuarit që ishin aktivë brenda organizatës terroriste dhe që ishin identifikuar si ata që ofronin mbështetje financiare për organizatën.

Misioni dy-javor u realizua përmes bashkëpunimit mes Prokurorisë Publike, Organizatës së Inteligjencës (MIT), Departamentit të Sigurisë Kundër Terrorizmit, Presidencës së Inteligjencës dhe Departamentet  Provinciale të Policisë në Turqi.

Ministri i Punëve të Brendshme në Turqi, Ali Yerlikaya, e ka bërë të ditur këtë lajm në platformën X teksa ka përgëzuar guvernatorët për angazhimin e tyre.

“I uroj guvernatorët tanë, Zyrat e Prokurorisë Publike që koordinuan operacionet, Kryesinë e MIT dhe oficerët tanë heroikë të policisë që realizuan operacionet”, shprehu Yerlikaya në X.

• “Po ushqeni terrorizmin”, Turqia i kërkon Izraelit të shmangë konfrontimin në Siri
• Turqia dhe Kina do të bashkëpunojnë për IA në mjekësi, projekte bujqësore