24 vjet në pritje të djalit, historia e Bajram Qerkinit që jeton ende me shpresë

Është 85 vjeç, por pleqëria është e fundit gjë që e tremb në këtë botë. Bajram Qerkini, jeton çdo ditë me dhimbje në shpirt, pasi prej më shumë se 20 vitesh nuk ka asnjë informacion për djalin e tij të zhdukur gjatë luftës në Kosovë.

 “Djali më ka humbur më 30 gusht në orën 1 të natës doli me shoqërinë. Sot e kësaj dite nuk e dimë se ku është. Si mund ta përjetoj këtë një nënë e një babë që janë gjallë dhe nuk dinë asnjë shenjë për evlatin. Me brenga plot 25  vite”,-tha Bajram Qerkini, babai i djalit të zhdukurit në luftë

Edhe më të rëndë situatën bacës Bajram, po ja bënë fakti që po i përsëritet historia familjare.

Ajo qe e brengos shume është mos veprimi sa duhet i shtetit te Kosovës për zgjidhjen e çështjes se personave te zhdukur me dhune gjatë luftës. 

 “Qeveria e ka një faj që nuk vendos kushte te ndërkombëtarët që pa gjetur fatin e të zhdukurve nuk shkojmë përpara. Këtë nuk e bëjnë” -tha Bajram Qerkini, babai i djalit të zhdukurit në luftë

Besim e pritje, Qerkini nuk ka as nga marrëveshja qe pritet te nënshkruhet, por as nga ndërkombëtarët. 

 “Ndërkombëtarët mund të bëjnë diçka, sa i përket Beogradit dhe Prishtinës, asgjë nuk pres ” -tha Bajram Qerkini, babai i djalit të zhdukurit në luftë

Sipas tij, ndërkombëtaret e kane ne dore zgjidhjen e kësaj çështje të ndjeshme nëse duan, pasi beson se ata zotërojnë fakte. 

Në ditën e personave të zhdukur më dhune gjate luftës, ai thotë se askush nuk mund ta kuptojë përjetimin e familjarëve, sidomos ato nëna që nuk dinë gjë për fatin e fëmijëve të tyre. 

 “Qysh e përjetojnë ato nëna vetëm ato e dinë, si e përjetoj unë vetëm zemra ime e di, se zemrën askush nuk e lexon”,-tha Bajram Qerkini, babai i djalit të zhdukurit në luftë

Bajram Qerkini që drejton edhe shoqatën e familjeve të personave të zhdukur thotë se këtë problem nuk mundet e as nuk do t’a zgjidhë politika, por vetë popujt përmes pajtimit e humanitetit e seriozitetit. 

Pavarësisht që Qerkini nuk ka besim të madh te politikanët, ata të enjten e përkujtuan këtë dite me homazhe tek vendi kushtuar personave të pagjetur. 

LEXONI GJTHASHTU:

• “Shqipëria e paragjykuar nga BE”, presidenti i Kroacisë: Ka shumicë myslimane
• Policia blindon Kakarriqin, gjendet motori i ekzekutorit të Nikulaj