25% e makinave në Shqipëri me taksa të papaguara, debitorët i kanë lënë “rrugëve”

Për makinat që nuk janë në përdorim, por janë te parkuara neper rruge ose blloqe banimi, taksat e prapambetura kane arritur vlerën 17 mld leke. Shifra është e lartë, pasi numri i mjeteve rezulton mbi 255 mije.

Afro 1 në 4 makina në Shqipëri rezulton se nuk ka kryer kontroll teknik e për pasojë ka edhe taksa të papaguara.

I gjithë borxhi, ndër vite për 255 mijë makinat në fjalë, rezulton 17 mld lekë, ose 174 mln euro. Dështimi në mbledhjen e këtyre detyrimeve vjen si pasojë e mosndëshkimit proporcional nga ana autoriteve.

Shumë prej debitorëvë, i kanë lënë makinat të pa regjistruara në mjedise publike, në rrugë dhe sheshe pallatesh, të pa shqetësuar për masat.

Së fundi, Tatimet kanë njoftuar se debitorët do të jenë në lupën e tyre, ndërsa Drejtoria e Transportit Rrugor thotë se ka procedura për çregjistrim të përkohshëm të mjetit, me qëllim pezullimin e detyrimeve.

Cilido individ që ka në plan që për një periudhë kohe të mos e përdorë mjetin, ai ka të drejtë të aplikojë për çregjistrim të përkohshëm, dhe në këtë mënyrë shmang detyrimet e përllogaritura.

Çregjistrimi i përkohshëm lidhet edhe me emigrantët të cilët janë posedues të një mjeti, por që nuk e përdorin gjatë gjithë vitit. Ndërkohë për çregjistrim i përhershëm kërkon që mjeti të paguajë të gjithë detyrimet.

LEXONI GJITHASHTU:

• “Mund të jetë politikë e mirë”, Trump propozon rritjen e taksave për të pasurit
• Musk e quan projektligjin e Trump për taksat dhe shpenzimet ‘të neveritshëm’