’25 mijë lekë në ditë’, Korreshi për tarifën në Divjakë: Po luajnë me njerëzit

Deputeti i Partisë Demokratike, Saimir Korreshi deklaroi se vendosja e tarifës për të hyrë në Parkun e Divjakës, po bëhet me qëllim që të luhet me ndjenjat e njerëzve dhe për të shpopulluar zonën.

Në një intervistë për Euronews Albania, Korreshi u shpreh se në park nuk kalojnë më shumë se 100 makina në ditë, çka i bie që shteti të mbledhë rreth 20-25 mijë lekë të reja në ditë.

Sipas tij, këto shuma nuk mjaftojnë për të zgjidhur problematikat e këtij parku.

“Absolutisht jo. Në ditë, në këtë kohë tani, mund të shkojnë te ai park, rreth 100 makina. A ka mundësi, me aq sipërfaqe që ka ai park, me aq lekë, 20-25 mijë lekë të reja në ditë, do zgjidhin problematikën që mund të ketë ai Park Kombëtar? Nuk i shërben për asgjë.

Këtu po luhet me ndjenjat e njerëzve dhe ky është një eksperiment që ta provojmë njëherë me Divjakën, ishalla nuk flasin këto banorët e Divjakës dhe të Lushnjes dhe hajde e vendosim në çdo rrugë e çdo plazh publik. Për mua është eksperiment që po bëhet me banorët e Divjakës për ta kaluar në të gjithë Shqipërinë. Për të shpopulluar këtë vend”, theksoi ai.

LEXONI GJITHASHTU

• Disa të shoqëruar në Divjakë se morën pjesë në protestë, reagon deputetja e PD
• Sharka tregon detaje për protestën që u zhvillua sot në Divjakë për traun
• Qytetarët e Divjakës largojnë betonieren afër parkut