28 mijë turistë vizitojnë katër muzeumet në Gjirokastër, mbizotërojnë francezët

Përgjatë sezonit turistik të verës muzeumet në qytetin e Gjirokastrës janë pika të rëndësishme për tërheqjen e turistëve vendas dhe të huaj.

Numërohen rreth 28 mijë turistë, të cilët prej fillimit të vitit kanë vizituar katër muzetë publikë që funksionojnë në qytet : Muzeun e Armëve, Etnografik, Muzeun Kadare dhe Muzeun e Luftës së Ftohtë.

Bruno Pjetri, ciceron i muzeut “Kadare” thotë se vizitorët francezë janë ata të cilët shfaqin më tepër kurjozitet rreth jetës apo veprat e tij.

“Kryesisht janë vizitorë francezë ata që  janë më shumë kuriozë për të ditur  rreth shkrimtarit,muaji gusht ka qenë goxha i suksesshëm,ata kërkojnë të dinë gjithmonë  ku është rritur Ismail Kadare,të dinë më tepër për veprën e tij,ku e ka kaluar fëmijërinë,dhe tani pas ndarjes nga jeta të shkrimtarit mund të them që numri i vizitorëve është  shtuar dhe shpresojmë që edhe këto ditë të gushtit edhe shtatorit kanë për të qenë të sukseshme përsa i përket vizitueshmërisë” –shprehet Pjetri.

“Muzeu i Luftës së Ftohtë  është një nga muzetë që është  vizituar më së shumti nga turistët,kemi patur turistë të shumtë mbizotërojnë kryesisht  nga Spanja, Ialia,  Franca dhe gjithashtu numri  po ndryshon nga viti në vit  po rritet akoma edhe më shumë.” –thotë Arla Toro, cicerone e Muzeut të Luftës së Ftohtë.

Tashmë mirëfunksionimi i muzeve ka një traditë të veçantë por zhvillimi gjithmonë e më shumë i turizmit i ka kthyer ato në qendra të rëndësishme për vizitorët që mbërrijnë në Gjirokastër. Gjatë tureve në muzeumet e qytetit të gurtë turistët njihen me historinë,tradita,personalitetet e spikatura të Gjirokastrës, etj.

Gjatë këtij vitit në Gjirokastër u çel edhe qendra memoriale “Muza ime” dedikuar disidentes Musine Kokalari. Ky muze tërheq studiues dhe vizitore të cilët informohen për aktivitetin politik, letrar dhe intelektual të Musine Kokalarit.

LEXONI GJITHASHTU:

• Gjirokastër| Shërbimi juridik falas, përfitojnë 233 qytetarë me probleme ekonomike
• Plagoset me thikë 38-vjeçari në Gjirokastër, në kërkim autori