3 emra për kreun e ri të SPAK, Kondili dhe Altin Dumani dorëzojnë platformën në KLP

3 pritet të jenë kandidaturat për kreun e ri të SPAK.

Pas Adnan Xholit, edhe prokurorët Edvin Kondili dhe Altin Dumani zyrtarizojnë kandidimin për këtë post.

Pak ditë nga skadimi i afatit, pasuesi i Arben Krajës në krye të SPAK, mesa duket do të ndahet mes 3 emrave.

Edvin Kondili dhe Altin Dumani dorëzuan në Këshillin e Lartë të Prokurorisë kandidaturat duke aspiruar për postin e drejtuesit të Prokurorisë së Posaçme.

Javën e kaluar i pari që ‘theu akullin’ ishte prokurori Adnan Xholi.

Kandidatët kanë dorëzuar edhe platformat e tyre, të cilat pritet të shqyrtohen nga KLP, bashkë me statistikat mbi punën e tyre gjatë ushtrimit të funksionit si prokurorë të posaçëm.

Afati i fundit për dorëzimin e kandidaturave është mesnata e 2 nëntorit.

Sipas burimeve të Euroneës Albania, në limitet e afatit, garës mund ti bashkohet edhe një prokuror tjetër ndërsa asnjë nga prokuroret femra të SPAK edhe pse janë 5 nuk ka preferuar të kandidojë për të drejtuar strukturën anti-korrupsion.

LEXONI GJITHASHTU: 

• SPAK dërgon për gjykim ish-anëtarin e Gjykatës së Lartë
• Edvin Kondili, prokurori i dytë që synon të drejtojë SPAK-un