3 viktima nga ethet e Nilit, Bino: Situata nën kontroll, është bërë dezinsektimi

3 persona të moshës 60-88 vjeç kanë ndërruar jetë përgjatë muajit korrik si pasojë e prekjes nga Ethet e Nilit perëndimorë, një sëmundje zoonotike që transmetohet nga shpendët e sëmurë tek njeriu nëpërmjet picikimit të mushkonjave. Shefja e departamentit të sëmundjeve infektive pranë ISHP Silva Bino konfirmon praninë e infektimeve .

“Kemi 3 raste vdekje me ethet e Nilit perëndimor, është sëmundje që kalon lehtshëm tek të rinjtë por pas moshës 60 vjeç apo që kanë dëmtime të imunitetit ato shkaktojnë forma me prekje të sistemit nervor qendror që janë encefalitet , meningitet apo guliem bare, dhe këto kanë qenë rastet që kanë humbur jetën”,- tha Silva Bino shefe e departamentit të sëmundjeve infektive, ISHP.

Ethet e Nilit janë rishfaqur në Shqipëri, pas 6 vitesh.

“Kemi 17 raste të konfirmuara , një i konfirmuar në Greqi që jeton në Shqipëri dhe kemi 19 raste të mundshme, që kanë shenjat klinike dhe lidhje epidemiologjike..  84% e testimeve janë kryer në korrik”, tha Silva Bino.

Por Bino sqaron se nuk është koha për panik, kjo pasi sëmundje transmetohet nga një lloj i veçantë mushkonje, ndërsa ministria e shëndetësisë ka bërë më herët dezinsektimin kundër larvave të mushkonjave.

“Sëmundje që qarkullon tek kafshët dhe transportohet nga mushkonjat kuleks nga zogjtë tek njerëzit dhe nuk transmetohet nga njeriu tek njeriu”,-tha Bino.

Sa i takon përhapjes gjeografike të të infektuarve, ISHP bën me dije se rastet janë nga  Lushnja, Kurbini, Berati, Lezha dhe Shkodra.

LEXONI GJITHASHTU:

• I gjetën kokainë dhe kanabis në dhomën e hotelit, arrestohet 25-vjeçari në Himarë
• E Ngarkuara me Punë e SHBA merr detyrën në Shqipëri, kush është Nancy VanHorn