“30% e qytetarëve kanë paguar ryshfet”, studiuesit analizojnë faktorët nxitës të korrupsionit

Studiues dhe pedagogë të ftuar në studion e “Barometri” diskutuan mbi sondazhin e fundit që tregon se gati 30% e qytetarëve pranojnë se kanë dhënë ryshfet gjatë vitit të fundit.

Julian Bejko, pedagog në Departamentin e Sociologjisë shprehet se korrupsioni ka rënë të thella që nga komunizmi kur në mungesë të parasë kjo bëhej përmes mallit apo favoreve.

Ai shtoi se shpeshherë korrupsioni në nivel të ulët bëhet për të marrë diçka që u takon ndryshe nga se ndodh në nivel të lartë ku paguhet për të marrë diçka që nuk u takon.

Blerta Bodinaku, pedagoge thotë se korrupsioni është një “rrugë e tërthortë” për të arritur atë që kërkon dhe pjesë e mendësisë së nënshtruar përballë autoritetit.

Korrupsioni është tipar dhe karakteristikë dhe simptomë patologjike e shoqërisë shqiptare.

Znj. Bodinaku shtoi se njerëzit nuk reagojnë pasi nuk kanë besim se do të ketë rezultat pasi kanë humbur besimin deri në nivel “paranojak”.

Endrit Yzeiri, ekonomist thotë se Britania e Madhe ka nisur reformat për të luftuar korrupsionin që prej viteve 1800 për të arritur sot në nivel 0 në korrupsionin e nivelit të ulët.

Blendi Çeka, pedagog, shprehet se niveli real i korrupsionit mund të jetë edhe më i lartë pasi kur vjen puna për ta raportuar të gjithë e largojnë larg rrethit të afërt të tyre dhe nuk e pranojnë se kanë paguar.

Redi Shehu, studiues, tha se perceptimi për korrupsionit është se ai është një fenomen i përhapur masivisht.

Sipas tij çështja është piramidale, korrupsioni i vogël nuk mund të ekzistoj nëse nuk ka korrupsioni në kupolë.

“Korrupsioni është mungesë e autoritet në raport në marrëdhëniet me qytetarin. Autoritet mungojnë pasi punonjësit e institucioneve janë persona të punësuar politikisht”, tha Shehu.

Dimitris Mavros, drejtor i MRB kur 30% e njerëzve guxojnë të thonë se kanë paguar ryshfet kjo tregon se përqindja e vërtetë është më e lartë.

Lutfi Dervishi, gazetar, thotë se nuk ka vaksinë kundër korrupsionit dhe problemi është tek topitja e shoqërisë dhe është ngulitur ideja se këtu nuk ndryshon asgjë.

“Shqipëria nuk ka inventar për dënimin shembullor të korrupsionit. Jemi i vetmi vend që nuk bëjmë dot zgjedhje dhe aty nis gjithçka”, tha Dervishi.

LEXONI GJITHASHTU:

• Mbi 27% e shqiptarëve kanë paguar ryshfet gjatë vitit të fundit
• Shëndetësia dhe bashkitë, institucionet me nivelin më të lartë të ryshfetit
• 85,5% e shqiptarëve mendojnë se politikanët mbrojnë interesat e të pasurve dhe të fuqishmëve