30 familje rome në Fier punësohen në bujqësi, mbjellin tokë me grurë e misër

30 familje të komunitetit rom në fshatin Baltëz të Fierit prej një viti janë bërë pjesë e punëve në bujqësi.

Ata kanë mbjellë 30 ha tokë, 15 me grurë dhe 15 me misër.

“Janë 15 misër dhe 15 grurë deri tani, është prodhimi shumë i mbarë për dhjetë ditë fillon shirja që këta marrin të ardhurat një herë në vit që janë të kosniderueshëm, por që familjet, pavarësisht se do të sigurojnë bukën e gojës për vete, kanë edhe për të shitur” thotë fermerti Eduart Koçi.

Përmes një projekti që synon punësimin e komunitetit rom, këto familje po sigurojnë të ardhurat mujore.

“Çfarë janë punë krahu, vaditja, pastrimi i kanaleve i bën vetë fermeri. Një familje i ofrohet rreth 2.5 milionë për një ha, që është ndihmë e konsiderushme”, sipas Koçit.

“Unë kam 8 dynym e gjysmë po na ecën puna mirë deri tani”, tha një fermer.

Gjatë punës disa fermerë kanë hasur edhe vështirësi.

“Na i kanë dhënë të tërë me një vend ku tokat nuk kanë ujë. “Këtu prodhimi është shumë i lartë, këta kënaqen shiko se si është gruri këtu është një pëllmbë”, shprehet një prej tyre.

Ky eshtë viti i dytë që një pjesë e komunitetit rom në Baltëz mbjellin kulturën e grurit dhe të misrit.

Gëzim Shabani, i cili merret me korrjen e grurit dhe mistrit thotë se ndryshe nga sa mendohet ky komunitet është i përkushtuar në punë.

“Unë po punoj këtu te këta romët edhe  ata janë punëtorë të mëdhenj packa se thonë se romët  nukj punojneë. Ka prodhim shumë të mbarë si gruri dhe misri dhe bravo ju qoftë”, tha ai.

LEXONI GJITHASHTU

• Ekspertët: Të trajnohen fermerët për t’u rritur sektori i bujqësisë
• 0,3 për qind e buxhetit të shtetit për bujqësinë, thotë eksperti