30 mln euro për fermerët| Nisin aplikimet, përfitojnë edhe blegtorët e peshkatarët

Nga kjo e hënë, janë hapur aplikimet për skemën e mbështetjes në bujqësi. Fermerët, blegtorët e mund të kërkojnë subvencione nga portali qeveritar e-Albania. Këtë vit qeveria garanton 30 mln euro për ta.

Nga 20 marsi dhe deri në datën 11 prill, fermerët shqiptarë do të duhet të aplikojnë për të përfituar  nga skema kombëtare e subvencioneve në sektorin e bujqësisë, blegtorisë dhe peshkimit.

Ministria e Bujqësisë jep këtë vit 30 milionë euro për mbështetjen e fermerëve dhe blegtorëve, ndërsa këta të fundit duhet të aplikojnë nga portali e-Albania.

Këtë vit janë 9 masa mbështetëse, ku përfshihen edhe bletërritësit, fermerët e serave dhe fermave organike. Po ashtu, do të subvencionohen edhe ata që synojnë ndërtimin të tregjeve të reja bujqësore dhe të kafshëve të gjalla.

Skema e naftës falas për fermerët shpërndan një fond rreth 12 mln euro, dhe për vitin e tretë në radhë shkon për aktivitetin e tyre prodhues, duke hequr nga kostot e shumta, ato të karburantit.

Ndërkohë, për kultivuesit e perimeve pagesat janë të drejtpërdrejta në masën 3 500 euro për ha.

Teknikat e reja të kultivimit përmes skemës kombëtare të trajnimit në bujqësi, do të përfshihen po ashtu me mbështetje buxhetore këtë periudhë.

LEXONI GJITHASHTU:

• Fermeri korçar i revoltuar: Nuk kam marrë naftën e vjetshme
• Aplikimet për subvencionin e naftës, fermerët në Korçë ngjeshen në radhë