Fermeri korçar i revoltuar: Nuk kam marrë naftën e vjetshme

Fermerët korçarë  këtë të hënë janë vendosur në radhë për të tërhequr subvencionet e naftës. Disa prej tyre kanë folur për kamerat e Euronews Albania, duke u ankuar se përveç radhës së gjatë dhe orëve të shumta në pritje ata kanë edhe një problem tjetër, subvencioni i naftës nuk është i mjaftueshëm.

Madje një prej fermerëve është shprehur se akoma nuk kanë marrë subvencionin e naftës për vitin e kaluar.

“Naftën kemi të vitit të kaluar që nuk e kemi marrë. Erdha këtu, pastaj nuk më merrnin në telefon. Unë ja dhashë kartën e identitetit, nuk më morën në telefon. Kam ardhur shpesh herë po nuk ma kanë dhënë”, – tha fermeri.

I pyetur nga gazetari Xhensil Shkëmbi, nëse ka besim se do e marrë subvencionin këtë vit dhe nëse mendon se ai është i mjaftueshëm, fermeri është përgjigjur se do mjaftohet me aq sa di i japin.

“Ajo që është, ç’të bëjmë tani”, tha fermeri.

LEXONI GJITHASHTU:

• Aplikimet për subvencionin e naftës, fermerët në Korçë ngjeshen në radhë
• Zgjedhjet presidenciale në Mal të Zi, gazetari zbulon kandidatin më favorit