Zgjedhjet presidenciale në Mal të Zi, gazetari zbulon kandidatin më favorit

Gazetari Gjok Dudaj e ka vlerësuar kandidatin e Lëvizjes Europa, Jakov Milatoviç si kandidatin më serioz me të cilin do të përballet presidenti aktual i Malit të Zi, Milo Gjukanoviç në zgjedhjet presidenciale.

I ftuar në një lidhje direkte për Euronews Albania, gazetari teksa komentonte për zgjedhjet presidenciale të Malit të Zi, tha se hapat reformuese të ndërmarra nga Milatoviçi e bëjnë atë kandidatin e duhur për t’u përballur me Gjukanoviçin.

“Raundi i dytë i zgjedhjeve do të jetë shumë interesant pasi Milatoviç, është dëshmuar si njeri pragmatik. Ai është vlerësuar si njeri i ekonomisë dhe i reformave. Hapat e tij reformuese në Malin e Zi, në veçanti në fushën tatimore, kanë dhënë rezultatin e djeshëm në zgjedhjet presidenciale. Ai është kundërkandidati më serioz në raundin e dytë përballë presidentit Gjukanoviç”,-tha gazetari Gjok Dudaj.

LEXONI GJITHASHTU:

• Mal i Zi/ S’ka fitues në raundin e parë, ja kandidati që rivalizon Milo Gjukanoviçin
• Marrëveshja Kurti-Vuçiç | Reagime të forta nga SHBA, NATO dhe Turqia