31-vjeçarja e plagosur tregon momentet e tmerrit: Dy shqiptarët ishin para meje

31-vjeçarja, e cila mbeti e plagosur në atentatin me armë zjarri në Athinë, ku mbetën të vrarë 2 shqiptarë, ka treguar momentet nga ngjarja e rëndë.

“Isha me motrën time në lokal, pikërisht pas tavolinës ku ishin ulur dy burrat, të cilët kanë vdekur. Ishim në këmbë dhe po flisnim me pronarin e dyqanit. Isha me shpinë dhe nuk e pashë sulmuesin kur hyri. Kam dëgjuar të shtënat dhe kam parë panikun në dyqan”, tha ajo fillimisht.

“Në fillim nuk e kuptova se isha plagosur, derisa pashë gjakun. Disa sekonda para se sulmuesi të hynte në dyqan, unë dhe motra ime ndërruam vendet”, tha më tej vajza.

Dy shqiptarët, Kreshnik Çerçizaj 41-vjeç dhe Armando Ogranja 44-vjeç mbetën të vrarë gjatë një atentati me armë zjarri në një lokal në Athinë.

Dyshohet se personi që qëlloi me armë zjarri ka qenë profesionist në qitje dhe se gjithë ngjarja ka ndodhur brenda 4 sekondave.

Oficerët e Policisë së Sigurimit nga vendi i ngjarjes kanë mbledhur shtatë gëzhoja 9 mm nga arma e vrasësit. 41-vjeçari dyshohet se ishte i përfshirë në trafikimin e lëndëve narkotike.

Policia është në kërkim të autorit.

LEXONI GJITHASHTU:

• Dëshmitarët okularë tregojnë momentet e ekzekutimit të dy shqiptarëve në Athinë
• I përfshirë në trafik droge, detaje nga ekzekutimet e 2 shqiptarëve në Athinë
• Kush janë 2 shqiptarët që u ekzekutuan në lokalin në Athinë